Heha Waipi`o

This ballad, by Sam Li`a Kalainaina, Sr., tells the story of visitors coming, a beautiful home and the lei that welcomes friends.

Kaulana kuʻu home puni Waipiʻo
Me nā peʻa nani o ka ʻāina
Kākela he hale aliʻi
Herode koʻu hoalike
Mōʻī puni haʻakei

Kukuna o ka lā koʻu kapa ʻia
E ʻōlino nei a puni ka honua
Aue aʻi luna lilo
Lihi launa ʻole mai
Nā aliʻi nui o ke ao

E oʻu mau kini nā makamaka
Me nā kupa o kuʻu ʻāina
Me ka wailele aʻo Hiʻilawe
Koʻiawe maila i luna
Koʻiawe mau i ka pali

ʻAʻole pēlā ka ʻoia ʻiʻo
Hakuʻepa lokoʻino o ka makamaka
Ua like nō a like
Me nā kini lehulehu
O kuʻu one hānau

E ola māua me aʻu kini
Me aʻu lei o nei ʻāina
Pulupē i ka hunakai
Ka iʻa mili i ka lima
Heha Waipiʻo i ka noe

Haʻina ʻia mai ana ka puana
No ka lei hapa pua Sēpānia
He kupa no ka ʻāina
E kipa mai ma loko
Haleʻiwa beautiful home