Lei O Hā`ena

by Helen Desha Beamer
This song speaks of native flowers, their fragrant smells and the leis that can be made from them.

Noho ana i ka uluwehiwehi
I ka nahele i puīa i ke ʻala onaona
Hoʻolau kānaka ana
I nā manu hulu maʻemaʻe
ʻO ka home ia o ka Lei o Hāʻena

He pua ʻoe (He pua ʻoe)
No ka ua (Kanilehua)
I popohe a mōhala i Hāʻena
Ua puīa ka nahele i kō ʻala
Ke pōhai nei nā manu

Keaʻau i ka ulu hala haʻa i ka makani
Kanikaʻa ka nalu ʻauʻau o Lāʻiekawai
Hāʻena me Hōpoe
Nā wāhine lewa i ke kai
ʻO ka home ia o ka Lei o Hāʻena

ʻAuhea wale ʻoe ke kanaka uʻi
Hoa pili ʻoe no ka pua kaulana
Pua nani makamae
I maʻū a koʻiʻi
I ka Waikoʻolihilihi
E ō, e ka Lei o Hāʻena